Ќе обезбедиме повеќе пари за општината и ќе ги пренасочиме кон граѓаните преку проекти што ќе ги реализираме во секое маало, ќе ги подобриме условите за живот слушајќи го гласот на урбаните и месните заедници, порача на денешната прес-конференција, кандидатот за градоначалник на Струмица од редовите на СДСМ, Коста Јаневски.
– Ќе вложуваме во локалниот економски развој. Ќе ги здружуваме бизнисите, општината и граѓаните, со единствена цел – нови и подобро платени работни места. Ја вклучуваме бизнис заедницата во дефинирање на приоритетите на општината и воведуваме бизнис форуми како редовна активност за проектирање и следење на локалниот економски развој. Нудиме директна поддршка за домашните фирми, пред се за малите и средните претпријатија. Обезбедуваме еднакви услови за домашните и за странските инвеститори, рече Јаневски.
Во програмата, вели Јаневски, предвидена е поддршка за старт-ап бизниси за млади и поттикнување на претприемништвото со отворање нови работни места.