ВМРО-ДПМНЕ ја продолжува традицијата на бегање од дуели

Од:

Трката за градоначалничките фотељи започна, а од досега виденото-лоши и промашени спотови, излитени пораки, огромни безидејни билборди, иста реторика и монолози наместо дебата.

Кандидатите за градоначалници на ВМРО-ДПМНЕ се појавуваат само на медиум кој им е сигурен и каде што знаат дека ќе биде „спасени“ од новинарот доколку бидат нападнат или им бидат поставени незгодни прашања. Другите медиуми не се достојни за нивно присуство и затоа емисиите се монотони без соочување на идеи и проекти.

Историјата на политичката дебата во Македонија еволуциски стагнира. Во западните демократии дебата е политичка традиција и започна со првата телевизиска претседателска дебата во САД меѓу Никсон и Кенеди.

Познат е и телевизискиот дуел помеѓу претседателските кандидати на Франција, Митеран и Дестен во 1974 година.

Одлучувачки беа и дебатите кои ги следеше цел свет меѓу Клинтон и Трамп.

Во Македонија за жал тие се ретки, дури и занемарливи.

Прв македонски политичар кој одби ТВ дебата беше Киро Глигоров на претседателките избори во 1994 година со изјавата дека „политиката за него не е театар“.

Кога ќе се спомене телевизиски дуел меѓу политички кандидати се памети дуелот кој изобилуваше со лични дисквалификации, навреди и говор на омраза, како на пример политичкото соочување на МТВ помеѓу Бранко Црвенковски и Љупчо Георгиевски во 1998 година.

Никола Груевски е политичарот со најдолг стаж кој јавноста не ја есапи за достојна за да ѝ се претстави на телевизиско соочување.

Единствено, имаше една дебатна емисија од 2002 година со Никола Поповски од СДСМ, но забележани останаа и одбиените покани за соочување пред телевизиските камери што на Груевски му ги упатија Владо Бучковски, Радмила Шеќеринска, Бранко Црвенковски и Зоран Заев.

И Ѓорге Иванов избегна соочување со противкандидатите и на дебатата на тогашната А1 ТВ дојде десетина минути пред крај, со објаснување дека не можел да стигне.

И додека во развиените демократии дуели на политичките противници се задолжителни и никој не помислува да побегне бидејќи може да се сврти резултатот, кај нас отсуството на демократски капацитет создава неинформирано граѓанство кое не може да стекне увид во политичката реалност и понудата на кандидатите.

Гласачите во Македонија имаат право да слушнат и видат отворена борба на аргументи помеѓу кандидатите. Тие имаат право да ја оценат сигурноста на кандидатите, да ги компарираат способностите и ставовите и врз основа на тоа да го изберат својот фаворит.

Би можело да ве интересира

Утре втор круг од изборите за градоначалник во Брвеница, денеска гласаат болните

А1он

Градоначалник на Брвеница ќе се избира на 18 октомври, Гаши ја потпиша одлуката

Мицкоски во Маврово и Ростуше на средба со граѓаните и поддршка за Онер Јакупоски за градоначалник

Вучиќ ги објави резулатите од локалните избори: Убедлива победа

Адеми: Овие избори беа тест на политичкиот и моралниот карактер на државата

Османи му ја честита победата на Меџити и му посака успех во водењето на општината