(ВИДЕО) Перински: Одлуката на владата на Заев да се забранат референдумите низ општините по прашањето за населување мигранти е тоталитаристичка

Од:

„Демократијата за Сoцијалдемократскиот сојуз е мисловна именка. Луѓето кои ја водеа најцрната пропаганда видена досега за наводен недостиг на демократија кај ВМРО-ДПМНЕ деновиве го ускратуваат едно од основните човекови права, а тоа е правото на глас на граѓаните!

Одлуката на владата предводена од Заев, да се забранат референдумите низ општините по прашањето за населување мигранти, е авторитарна, тоталитаристичка и се коси со демократските принципи на модерното општество.

Со грубото прекршување на Уставот, СДС брутално им ги ускратува основните човекови права на граѓаните. Грубо ја крши точка 3 од членот 21 од универзалната декларација за човекови права во која, меѓу другото, стои: „Волјата на народот ќе биде основата на власта“!

Јавноста е сведок како ова основно начело на демократијата беше прекршено и при составувањето на нелегалната влада предводена од Сoцијалдемократскиот сојуз. Граѓаните кои се носители на суверенитетот на државата и чија волја е темелот на една власт беа погазени и тогаш, а се газат и денес. На граѓаните им е забрането да се изјаснат слободно на референдум по прашања кои нив директно ги засегаат, на тој начин се одзема власта од рацете на граѓаните.

Граѓаните се против населувањето на мигрантите и доделувањето на работни места во период кога невработеноста расте во Република Македонија.

ВМРО-ДПМНЕ во име на граѓаните најостро ја осудува ваквата одлука која ја донесе Сoцијалдемократскиот сојуз и ја повикува владата да ја преиспита и укине истата заради нејзиниот незаконски и неуставен карактер.

Граѓаните стравуваат за нивната безбедност, за безбедноста во населбите, градовите и улиците. Стравуваат како ќе се одрази овој наплив на мигранти врз економијата и нивната егзистенција.

Заев може да се обиде да ги спречи граѓаните да не излезат на референдум, но не може да ги спречи да го дадат својот глас на престојните избори на кои политиката на Сoцијалдемократскиот сојуз ќе биде казнета“, изјави Златко Перински, член на ИК на ВМРО-ДПМНЕ.

Би можело да ве интересира

Манасиевски: ПР политиките на Башановиќ, ги сместија Филипче и СДС на рејтинг помал од 5%

Манасиевски: Законот важи за сите, нема ВМРО-ДПМНЕ, СДС, и Вице и Зоран Заев ќе одговараат

Кузеска: „Платформа за рушење на СДСМ од внатре“, осмислена од ВМРО

Жерновски вели дека Мицкоски многу лаже, ВМРО-ДПМНЕ го нарече измеќар, неуспешен политичар и дипломат

Катерина Ѓуровски

(ВИДЕО) Филипче: САД треба да знаат дека власта во Македонија има карактеристики како режимите во Иран и Венецуела

ВИДЕО: 74 тендери вредни 17 милиони евра за една фирма, институциите два месеци без реакција, обвинува СДСМ