Невзат Бејта, кандидатот за градоначалник на општина Гостивар од ДУИ придружуван од кандидати за членови на советот официјално ја започна предизборната кампања од градскиот плоштад.
– Тука на ова место го презентираме еден од главните проекти кои се дел од програмата која ќе ја реализираме во перидот 2017-2021. Планирано е да изградиме нов и модерен плоштад со кој гостиварци ќе се гордеат и ќе биде најубаво уреден центар пошироко во регионот. Имаме идејно решение, со кое се опфатени плоштадот и околината, рече Бејта.
Кандидатот за градоначалник од ДУИ, во текот на денот ќе има средба и со граѓаните на населбите Џамиџит Маало и Ново Маало на кои ќе ги презентира проектите за овие делови од градот.