„Во изминатите неколку дена преку интензивни средби со граѓаните на Карпош дојдовме до заклучок за она што и ние го мислевме. За жал, во 2017 година, во Карпош сѐ уште има руинирани градинки и има недостаток од сместување за најмладите Карпошани.
Затоа се обврзуваме пред граѓаните на општина Карпош, и јас и новата локална власт по преземањето на локалната власт на 15 октомври, целосно и темелно да ги реконструираме градинките „Мајски цвет“ во Тафталиџе 1 позади мене, градинката во Влае 1 и да изградиме две нови градинки. Една во Влае 2 на местото до училиштето „Димо Хаџи-Димов“, и една која со години е дел од лажните ветувања на Стевче Јакимовски и ВМРО-ДПМНЕ, а тоа е градинката во Бардовци до училиштето „Аврам Писевски“.
Родителите, но и бабите и дедовците кои имаат млади карпошанчиња, кои треба да одат во градинка, да бидат спокојни и да не се грижат.
Карпош повторно ќе биде модерна, урбана, и Карпош ќе биде општина во која сите ќе сакаат да живеат. Ставаме точка на криминалното владеење и ставаме точка на киднапирањето на општината од страна на Стевче Јакимовски и ВМРО-ДПМНЕ“, изјави Стефан Богоев, претседател на СДММ.
