„Извршниот одбор на Алијансата за позитивна Македонија, на проширената седница што ја одржа со претседателите на општинските организации на АПМ, одржана на ден 11.09.2017 година, реши да даде целосна поддршка на кандидатите за градоначалници на коалицијата предводена од СДСМ, претстојните локални избори.
Алијансата за позитивна Македонија, дава максимален придонес кон составувањето на квалитетни листи на коалицијата за кандидати за советници на Советите на општините. Кандидатите што ги нуди Алијансата за позитивна Македонија се со силен човечки, морален и политички капацитет да ги застапуваат либерал-демократските вредности и интереси на сите граѓаните во советите на општините, со што претставуваат додадена вредност и богатство на политичкиот плурализам на Република Македонија“, се вели во соопштението на Алијанса за позитивна Македонија.