Во Министерството за надворешни работи денеска ќе се одржи панел дискусија на која ќе бидат споделени британските искуства за тоа како јавната администрација се менаџира со промената на владите додека продолжува испорачувањето на услугите на граѓаните.
Панел дискусијата ја организираат Министерството за информатичко општество и администрација заедно со Британската амбасада и Институтот за геостратешки истражувања и надворешна политика при Министерството за надворешни работи.
Најавено е обраќање на министерот за информатичко општество и администрација Дамјан Манчевски и на постојаниот потсекретар на Министерството за надворешни работи и Комонвелт на Британија, Сајмон Мекдоналд.