На осветувањето на црквата во Велес, митрополитот на повардарската епархија Агатангел, не го кани ктиторот на комплетниот фрескоживопис и дарител на електриката во црквата Свети Кирил и Методиј која се градеше 11 години. Не е поканет никој ниту од новата влада. Единствено поканет е лидерот на ВМРО-ДПМНЕ, Никола Груевски на осветувањето на храмот, чин кој почна во петокот, а завршува во недела наутро.
Владиката Агатангел последниве години е активен во низа политички збиднувања под плаштот на барањето за помирување на политичкит партии или со изговорот дека ја штити Македонија.
Тој ја предводеше и беше на чело на групата која ја демолираше општината Центар. Она што го говореше дека со измена на ДУП-от ќе се избришела црквата во центарот на Скопје, испадна дека не е точно.
Повардарскиот митрополит Агатангел им се приклучи и на велешани кои ја поддржуваа граѓанската иницијатива „За заедничка Македонија“ и заедно со нив продефилира низ улиците на Велес.
Повика сите да му дадат голема поддршка на претседателот Ѓорге Иванов бидејќи, како што рече, клучот за опстанок на оваа држава е во неговите раце.
Митрополитот Агатангел на протест рече дека „треба да се преброиме“ и дека „така ќе видиме дека тие што бараат двојазичност, кантонизација и што бараат двојазична монета не може да го добијат и тоа што сега го имаат, затоа што не се ни 15 проценти“.
Тој ги повикуваше и европските лидери да не му вршат притисок на Иванов, туку да го остават да одлучува со своја глава како што му доликува на еден прав Македонец.
Токму поради овие негови настапи, иако поканети, дел од странските претставници според информации на А1он, нема да се појават во Велес.
Храмот е изграден со финасиски средства на Повардарската епархија и со донации на верниците. Донатор на фрескоживописот е Кочо Анѓушев, а на резбаниот иконостас е општината Велес.