Светската фудбалска асоцијација (ФИФА) донесе одлука да се повтори квалификацискиот дуел за СП 2018 меѓу Јужна Африка и Сенегал.
Овој натпревар беше одигран во ноември минатата година и заврши со победа на Јужна Африка со 2:1. Меѓутоа, гостите вложија жалба до ФИФА поради катастрофално судење и бараа средбата да се повтори, бидејќи сметаа дека неправедно загубија.
Главниот судија Јоспех Ламти во финишот досуди пенал за домаќините, а оваа одлука предизвика огромно незадоволство кај гостинските фудбалери. Сенегал прими гол од пеналот и го загуби мечот.
Потоа следуваше жалбата до ФИФА која одлучи повторниот натпревар да се игра во ноември оваа година, а судијата од Гана доби доживотна суспензија.
Како што е наведено во регулативите на ФИФА, оваа одлука ќе стапи на сила веднаш, но ќе биде предмет на потврда од Организацискиот комитет за натпревари ФИФА на следниот состанок закажан за 14 септември.