Рокот за запишување на идните пилоти е продолжен до 20 октомври 2017 година, информира Министерството за одбрана.
Министерството и Воената академија „Генерал Михаило Апостолски“- Скопје ги известуваат сите заинтересирани млади лица со завршен прв циклус на студии, кои имаат желба и ги исполнуваат условите согласно Конкурсот за слушатели на стручно оспособување и усовршување за родот авијација можат тоа да го сторат до 20 октомври 2017 година.
На објавениот конкурс можат да се пријават сите на возраст до 28 години, со завршено високо образование и добра психофизичка состојба.
Подетални информации во врска со општите и посебните услови од Конкурсот може да најдете на следниов линк.