Квалификацискиот натпревар за Светското првенство меѓу Хрватска и Косово кој синоќа беше прекинат, ќе се доигра попладнево, потврдија од Хрватскиот фудбалски сојуз.
Натпреварот беше прекинат по само 22.минути игра, откако теренот на стадионот „Максимир“ беше преполн со вода, поради обилните врнежи на дожд во Загреб.
Иако Хрватите не сакаа денеска да го играат мечот бидејќи веќе во вторник ги очекува тешко гостување во Турција, сепак, во договор со ФИФА, УЕФА и двете фудбслаки федерации, донесена е одлука мечот да се доигра денеска со почеток од 14.30 часот, а истиот ќе продолжи од 22-та минута.
Слична ситуација се случи и лани на дуелот помеѓу Албанија и Македонија во Скадар во рамки на 1.коло во мундијалските квалификации.
Хрватите не се многу среќни со ваквата одлука, бидејќи сега ќе имаат еден ден помалку одмор пред гостувањето во Турција. Дел од хрватските медиуми пренесуваат дека Хрватска ќе побараат дуелот со Турција да се игра ден подоцна во среда.
По некомплетното 7.коло во И групата, лидер на табела е Украина со 14 бодови, еден повеќе од Хрватска и Исланд кои имаат 13, додека четврто пласираната Турција собра 11, а на последните две места се Финска со 4 и Косово со само 1 бод.