„Изградба на еден километар на нов автопат, во зависност од теренот, во просек чини околу 6 милиони евра. Во изминатите неполни три месеци СДС од девизните резерви и од распишаните аукции на државни хартии подигнаа 334 милиони евра.
Со парите кои расипнички ги потроши неодговорната влада на СДС и Заев можеа да изградат автопат од 50-тина километри, што значително ќе го подобреше животот на граѓаните.
Нов автопат нема, а ги нема ниту народните пари.
Каде неспособната влада на Зоран Заев ги потроши парите?
Ова е едно од многуте прашања кои секојдневно граѓаните ги упатуваат до владата на СДС, но одговор нема.
Владата на Заев и министерот за задолжување Тевдовски за неполни три месеци ја задолжија државата за стотици милиони евра, од кои граѓаните не видоа никаков бенефит.
Заев и неговите неспособни кадри пред интересите на граѓаните си ги ставија своите интереси. Нивен приоритет е да ги задоволат сопствените алчни апетити и затоа народните пари решија да ги искористат за луксузирање и покривање на партиските вработувања по државните институции.
Неспособната и алчна влада на Заев поради негрижата за граѓаните на 15-ти октомври жестоко ќе бидат казнети и поразени“, се вели во соопштението на ВМРО-ДПМНЕ.