Здрава и многу вкусна домашна чорба …
Потребно е:
500 гр брокула
1 помала главица кромид, ситно сецкан
1 коренче магдонос, исецкано на тркалца
1/2 китка магдонос, ситно сецкан
1-2 чешниња лук, ситно сецкани
100 мл слатка павлака (без шеќер)
1 л зеленчукова или пилешка супа од коцка
сол, бибер
малку рендано морско оревче
малку ѓумбир во прав
маслиново масло
Подготовка:
– На малку маслиново масло кратко запржете го кромидот и потоа додадете ги сецканиот корен од магдонос и сецканиот на тркалца долен дел од брокулата. Досипете малку вода или од супата.
– Кога зеленчукот ќе омекне додадете сецкани листови од брокулата, лукчето, сецканите листови магдонос и брокулата издвоена на мали цветчиња. На крај сипете ја супата и варете неколку минути.
– Сега изблендирајте ја супата со рачен миксер и додадете ја слатката павлака.
– Зачинете со сол, бибер, морско оревче и ѓумбир.
– Сервирајте ја чорбата со печен леб и посипете ја со бибер.