Во Секретаријатот за европски прашања (СЕП) денеска ќе се одржи трибина насловена „ИПА: Пресек и состојба-Унапредување на апсорпцијата на ИПА средствата“, на која ќе учествуваат претставници на ИПА структурата и на граѓански организации.
Заменик претседателот на Владата задолжен за европски прашања Бујар Османи и претставници на СЕП ќе ја презентираат состојбата со распределбата на средствата од ИПА.
Како што соопшти СЕП, на трибината ќе се дебатира и за пречките за реализација на проектите, предизвиците со кои се соочува ИПА структурата за унапредување на апсорпциската моќ на државата, како и за можностите за поефикасно искористување на средствата од ИПА.
Целта на трибината е да се запознае ИПА структурата, но и невладиниот сектор, со состојбите, пречките и предизвиците од кои зависи реализацијата на средствата од ИПА, учесниците да ги претстават своите мислења околу ИПА системот, и да се разменат мислења и предлози за мерките и активностите коишто треба да ги содржи новиот Мастер план за реформа на ИПА.
