Претседателот на Република Српска, Милорад Додик, вели дека во минатиот век над Србите бил направен погром, а дека во овој век тие треба да го промовираат националното обединување таму каде тоа е можно, бидејќи Србија и Република Српска, додава тој, имаат право да се борат да одлучат за својот статус.
– Такво нешто не е нерегуларно, ниту спротивно со што било, смета Додик, и како пример ги наведе Источна и Западна Германија, кои се обединија кога се создадоа историски услови за тоа.
Како што пренесоа медиумите во БиХ, Додик наведе дека најавената декларација на Србија и Република Српска за опстанок на српската нација, што неодамна беше иницирана на состанокот на Србите од регионот во Нови Сад, на која е заклучено дека треба да се направи обид за дефинирање на тоа што е важно за српскиот национален идентитет и делување на националните заедници.
– Со тоа никој не доведува во прашање ниту една држава, нити нејзиниот територијален интегритет, но се доведуваат во прашање политиките што одат за тоа да се девастира српската национална заедница и нејзините права, рече Додик пред новинарите во Бања Лука.
Тој потсети дека е договорено парламентите на Република Српска и на Србија да се изјаснат за декларацијата кога таа ќе биде подготвена, а тоа може да се случи во ноември.
-Тоа е корисно, вели тој, и тоа ќе покаже дека српските национални заедници не се напуштени.