И декоративна и вкусна …
Потребно е:
250 гр лиснато тесто
10-тина кајсии (да не бидат меки)
80 гр шеќер
80 гр путер
цимет, слатка павлака – по желба
Подготовка:
– Развлечете го лиснатото тесто на работна маса со дебелина околу 1/2 см. Ставете го над тавата во која ќе ја печете питата и исечете круг малку поголем од дното на тавата.
– Во сад на рингла растопете го путерот, додадете шеќер и оставете да се карамелизира околу 10-тина минути додека да добие кафена боја, но со постојано мешање.
– Карамелот сипете го во тавата и одозгора наредете ги поовинките кајсии во круг. Одозгора ставете го тестото, а краевите убаво изработете ги.. На неколку места збоцкајте го тестото со нож.
– Ставете да се пече во загреана рерна на 200 целзиусови степени додека да добие златна боја.
– Извадете ја питата од рерна, почекајте неколку минути и покријте ја чинија поголема од тавата. Рацете заштитете ги со ракавици и брзо, но многу внимателно превртете ја питата на чинијата. Внимавајте да не ви протече карамелот.
– Почекајте малку да се излади, исечете ја на парчиња и послужете ја топла со топка сладолед или слатка павлака.