Чоколадо и малини, ќе станат ваша омилена комбинација …
Потребно е:
5 јајца
90 гр кристал шеќер
30 гр шеќер во прав
200 гр мелен афион
100 гр печени и мелени лешници
125 гр путер, на собна температура
изрендана кора од лимон
џем од малини
100 гр црно чоколадо
околу 80 мл слатка павлака
Подготовка:
– Дното на калапот за печење со дијаметар од 18 см обложете го со хартија за печење. Страните премачкајте ги со путер. Рерната загрејте ја на 180 целзиусови степени.
– Измешајте ги мелениот афион и лешникот.
– Во еден сад изматете ги белките во густ шлаг со постепено додавање на шеќерот во прав.
– Во друг сад изматете го путерот со шеќерот во прав и додадете ги со постојано матење јајцата и тоа едно по едно. Во оваа маса додадете ги афионот, лешниците и изренданата кора од лимон и убаво измешајте. Додадете и две лажици од изматените белки и полека измешајте. Сега додадете го и останатиот шлаг и повторно полека измешајте.
– Смесата префрлете ја во подготвениот калап и ставете да се пече во загреаната рерна 35-40 минути. Проверете со чепкалка за заби дали е печено. Оставете убаво да се излади.
– Кога ќе се излади кората поделете ја на два дела. Долната кора премачкајте ја со џемот од малини и одозгора ставете ја втората кора. Ставете ја тортата во фрижидер додека ја подготвувате чоколадната глазура.
– Чоколадото искршете го на мали парчиња и ставете ги во подлабок сад. Загрејте ја слатката павлака во сад на рингла, но внимавајте да не почне да врие. Чоколадото прелијте го со топлата павлака и мешајте додека да се растопи.
– Почекајте глазурата малку да се излади и прелијте ја тортата со неа. Украсете ја по желба. Ставете ја во фрижидер преку ноќ.