Бистрата супа е одлично предјадење и особено важна за внесување на потребните хранливи состојки, како и за детоксикација на човековиот организам.
Потребно е:
половина пакетче Балканска мешавина (смрзнат зеленчук)
1 компир
1 мала брокула
1 рака фиде
половина китка магдонос
посна зеленчукова коцка за супа
масло за јадење
сол и црн бибер
Подготовка:
– Во тенеџере на оган ставаме 1 ½ литар вода да зоврие. Во зовриената вода ја додаваме содржината од кесичката Балканска мешавина, компирот исецкан на коцки, фидето, посната зеленчукова коцка за супа, малку црн бибер и сол и малку маслиново масло.
– Вариме 15 минути. Потоа ја додаваме брокулата иситнета на помали парчиња и половина китка магдонос. Вариме уште 5-10 минути.
– Супата ја сервираме топла со парчиња интегрален леб и лимон.