Утрово околу 3 часот и 40 минути било пријавено дека во куќата на лицето Р.И. (69) на улица Мирче Ацев во Тетово било извршено разбојништво.
Како што информира полицијата, според привичните сознанија околу 3 часот, додека домашните спиеле, непознати сторители кои носеле маски на главата, со тврд предмет и физичка сила насилно влегле во куќата.
Откако еден од сторителите ја откорнал рамката од прозорот од купатилото на приземје, влегол внатре и потоа ја отворил влезната врата по што внатре влегле другите тројца сторители. Во тој момент се разбудил сопственикот на куќата и кога излегол во ходникот ги затекнал четирите лица со црни фантомки на главата и ракавици на рацете, по што двајца од нив го нападнале Р.И. и неговата сопртуга М.И.. Им ги врзале рацете и почнале да пребаруваат по куќата. На првиот кат ги врзале и неговито син М.И. и неговата сопртуга Р.И., како и нивните две малолетни деца.
Сторителите одзеле поголема количина разновиден златен накит, поголема количина женски и машки часовцници, 10.000 евра, мобилни телефони, како и возило „Ренџ Ровер“. Според првичните проценки се стекнале со противправна имотна корист од над 9 милиони денари.