Италијанскиот судија Џанлука Роки е избран да го суди натпреварот од УЕФА Суперкупот, помеѓу Реал Мадрид и Манчестер Јунајтед кој што ќе се игра во Скопје на 8. август.
Роки има 43 години и по потекло е од Фиренца, а во Скопје помошници ќе му бидат петте негови сонародници: Ди Либераторе, Тонолини, Маса, Ирати и Ди Фиоре, додека французинот Клемент Турпин ќе биде четврти судија.
Италијанецот е интернационален судија од 2008. година и досега има судено на 72 натпревари од УЕФА. Судеше на девет европски натпревари минатата сезона, вклучувајќи го и четвртфиналето од Лигата на Шампионите помеѓу Лестер и Атлетико Мадрид.
Минатата сезона тој исто така судеше и на полуфиналето во Лигата на Европа помеѓу Ајакс и Лион, а беше четврти судија на финалето во Стокхолм.