Вкусна виолетова пита …
Потребно е:
за тестото:
100 гр шеќер
400 гр остро брашно
1 прашок за пециво
200 гр путер
2 жолчки
прстофат сол
изрендана кора од лимон
2 лажици кисела павлака
за филот:
500 гр боровинки
2 лажици кафеав шеќер
сок од 1 лимон
2 лажици нишесте
Подготовка:
– Боровинките ставете ге во еден сад и додадете го сокот од лимон, шеќерот и нишестето.
– Во еден сад ставете ги брашното, шеќерот, солта, прашокот за пециво, изренданата кора од лимон и путерот исецкан на коцки.
– Со прсти истријте го путерот во брашното додека да добиете ронливо тесто. Додадете ги жолчките и павлаката и замесете тесто.
– Тестото поделете го на два дела. Едната половина ставете ја во замрзнувач. Втората половина ставете ја на набрашнета работна површина и со сукало развлечете ја во форма на круг.
– Кората ставете ја во калап за печење (18х33 см) кој претходно сте го обложиле со хартија за печење и премачкале со путер. Убаво притиснете ја со прсти.
– На кората распоредете ги боровинките.
– Вториот дел од тестото извадете го од замрзнувач и изрендајте го над боровинките.
– Ставете да се пече во загреана рерна на 180 целзиусови степени околу 45 минути.