ЈОУДГ „Росица“ од општина Ѓорче Петров во текот на летниот период обезбеди нов мебел за дечињата од објектите „Калинка“ и „Детелинка“. Градинката го комплетираше изгледот во овие два објекта со нови детски гардеробери, дидактички плакари, шкафчиња за сместување на детски кревети дизајнирани според желбите и потребите на корисниците.
Во објектот „Калинка“, комплетно е реновиран приемниот простор со поставување на ламинат и нови детски гардеробери, а во објектот „Детелинка“, по извршената монтажа на новиот мебел, ќе биде поставен и ламинат во двете крила на објектот. Исто така, ќе бидат поставени и нови теписони во делот н апросторот за одржување на приредби, кај бината и салата.
– Дел од објектот каде мебелот беше стар го заменивме со нов мебел. Со преземените интервенции во градинките, престојот на дечињата во нашата градинка е пофункционален. Овој проект е значаен за нас, а неговата целокупна реализација ја обезбедивме од сопствениот буџет и со поддршка од општина Ѓорче Петров која секогаш обрнува посебно внимание кога се работи за најмладата популација во општината, изјави директорката Ана Серафимовска.
Предвиденое е општинските комунални служби да реализираат и хортикултурно уредување на дворовите и да бидат заменети оштетените делови од детските игралишта.