Здрави палачинки кои може да ги послужите и за појадок …
Потребно е:
1 чаша (од 250 мл) сварена киноа
3/4 чаша интегрално брашно
1/2 лажиче цимет во прав
1,5 лажиче прашок за пециво
1/4 лажиче сол
2 јајца
1/2 чаша јогурт
2 лажици млеко по ваш избор (од бадем или од кокос)
2 лажици кафеав шеќер (може и мед или јаворов сируп)
1 лажиче екстракт од ванила
2 поголеми банани, испасирани
Подготовка:
– Измешајте ги брашното, киноата, циметот, прашокот за пециво и солта.
– Во друг сад измешајте ги јајцата, млекото, јогуртот, екстрактот од ванила и кафеавиот шеќер. Убаво изматете ги со маталка додека да добиете хомогена смеса.
– Во смесата со јајца додадете ги сувите состојки. Измешајте и додадете ги испасираните банани. Уште еднаш полека измешајте.
– На загреана и малку намастена тефлонска тава сипете од смесата. печете ги палачинките на умерена темепратура по 2 минути од секоја страна.
– Од оваа смеса ќе добиете 10 палачинки.
Совет: Ако сакате палачинки со вкус на чоколадо во смесата додадете 2 лажици какао во прав.
– Послужете ги со јаворов сируп, овошје, путер од кикирики или чоколадни трошки.