Судењето за Диво Насеље одложено за 20 јули. Адвокатот Насер Рауфи како причина за одлагањето на рочиштето ја наведе неподготвеноста на Обвинителството, тој пред новинарите изјави дека обвинението за предметот е целосно промашено.
Од Основниот суд Скопје 1 велат дека во текот на минатата недела од Основното јавно обвинителство за организиран криминал и корупција до судот доставиле барање за одложување на судскиот процес.
На последните неколку рочишта обвинитите го бојкотираа судењето и побараа од судијката да бидат отстранети од судската сала бидејќи не го признаваат Судот.
Во терористичките напади во кумановското „Диво Насеље“ на 9 и 10 мај во 2015 година загинаа осум припадници на безбедносните сили, а четириесетмина беа повредени.
Виктор Јованов