Специјалното јавно обвинителство е партиска испостава на СДС. Неговата работа е селективна и има за цел да крева „димни завеси“ секогаш кога неговата матична партија и Зоран Заев прават пазари со националните и државните интереси, рече Дарко Костовски, ВМРО-ДПМНЕ.
Според него во таа насока се и селективните и тенденциозни обвиненија што ги креираат за функционери од ВМРО-ДПМНЕ.
– Целта е елиминација или ослабување на ВМРО-ДПМНЕ и слабеење на држата. Гревот поради кој се води оваа хајка против ВМРО-ДПМНЕ е тоа што не отстапуваме од одбрана на државните и национални интереси.
– Работата на СЈО нема никаква врска со правото рече Костовски и дополни дека обвиненијата се покранети апсолутно без било какви докази или аргументи.
Тој за пример го зема случајот „ТНТ“ за што изјави дека градбата не е градена според план.
Костовски рече дека СЈО ги исполнува желбите на Заев без докази да покренува обвинение за случај кој лесно може да се провери дека е дивоградба.
Според него, целата постапка на уривање на „Космос“ е законска и доколку не била урната градбата требало да не се испочитува Законот.
– Со цел да се напраи политички спектакл СЈО покрена обвинение за сосема законски случај како што е рушење на оваа дивоградба. Целта на СЈО и Заев не е правдата туку нејзино гушење, додаде Костовски.
Виктор Јованов