Едноставен и полн со мириси и вкусови …
Потребно е:
125 гр путер
100 гр чоколадо за готвење
300 гр џем од малини
120 гр шеќер во прав
прстофат сол
2 јајца
150 гр брашно
1 лажиче прашок за пециво
1 ванилин шеќер
за преливот од чоколадо:
100 гр чоколадо
40 гр путер
за украсување:
свежи малини
Подготовка:
– Сите состојки треба да бидат на собна температура. Во еден сад ставете ги брашното и прашокот за пециво.
– Во мал сад на рингла растопете го путерот и додадете ги чоколадото искршено на парчиња, џемот, шеќрот , солта и изматените јајца.
– Полека изматете ги рачно и додадете го брашното. Полека измешајте додека да добиете хомогена смеса.
– Смесата сипете ја во намастен со путер, долгнавест калап и ставете да се печа во загреана рерна на 180 целзиусови степени околу 45 минути.
– За тоа време направете го преливот од чоколадо. Растопете го путерот и во него додадете го чоколадото. Мешајте додека да се растопи.
– Извадете го колачот од рерна, оставете да се излади, а потоа прелијте го со преливот од чоколадо.
– Колачот украсете го со свежи малини.