Државната изборна комисија денеска ќе одржи седница на која ќе ги разгледа Деловникот на ДИК и Правилникот за начинот и постапката за решавање приговори.
Членовите на Комисијата ќе расправаат и по Предлог-одлуката за исплата на надоместок на трошоците на учесниците на изборната кампања од чии листи на кандидати се избрани пратеници во Собранието на Република Македонија и на учесниците во изборната кампања од чии листи на кандидати не се избрани пратеници во Собранието на РМ.