Цистерна со нафта се преврти и се запали на автопат во Пакистан при што загинаа 123 луѓе, а над сто се повредени.
Пакистанската армија испрати хеликопптери за да ги евакуираат повредените и да ги пренесат до болница. Најблиската болница, каде може да се третираат изгореници се наоѓа на повеќе од 150 километри од местото на несреќата.
Несреќата се случи пред прославата на Рамазан Бајрам поради што на патиштата во Пакистан има голема гужава.
Цистерната со гориво се преврти на националниот автопат на околу 100 километри од градот Мултан. Несреќата се случи кога возачот на цистерната изгубил контрола над возилото.
Локалните власти соопштија дека жителите од околните села пристигнале на околу 30 мопеди за да ја соберат нафтата. Иако полицијата го блокирала приодот, тие го пробиле кордонот и голем број од нив изгореле откако се запалило горивото.