Во Министерството за здравство ќе се ревидираат потпишаните договори на дело. Министерот за здравство Арбен Таравари денеска истакна дека има голем број вработени со договори на дело и оти некои земале месечни суми шест пати повеќе од просечната плата во Македонија.
– Не ги знам точно. Има голем број вработени со договор на дело. Одредени луѓе од нив коишто земале месечни суми што се пет-шест пати повеќе од просечната плата на обичен граѓанин во Република Македонија. Не ги знам точно, но мислам дека се убави плати, како на запад. Сега ревидирaие и ќе видиме. Не ги знам по име точно, знам дека постојат такви луѓе коишто примале многу високи износи на плати. Ќе ги ревидираме, ќе ги видиме и институционално ќе се реагира, изјави денеска министерот одговарајќи на новинарски прашања на промоцијата на кампања „Со клучни одлуки до здрава заедница“.