А1он

  • Почетна
  • Македонија
  • Економија
  • Регион
  • Свет
  • Магазин
  • Спорт
  • Култура
  • Видео
InstagramTelegram
А1он
Од: А1он
Македонија

Заев на средба со Борисов во Владата во Софија

by А1он20/06/2017 - 10:3820/06/2017 - 11:05270
Share0

Во зградата на Министерскиот совет на Бугарија почна средбата на премиерот Зоран Заев и бугарскиот премиер Бојко Борисов. На средбата се очекува Заев да побара поддршка од Бугарија како иден претседавач со ЕУ поддршка на патот за членство на Македонија во Унијата и во НАТО. Ќе стане збор и за унапредување на соработката меѓу двете земји.

Следете a1on на Instagram Instagram

Ова е втора посета на премиерот Заев по формирањето на новата Влада. Првата дестинација беше во Брисел.

Македонскиот премиер, најавувајќи ја посетата на Бугарија, деновиве во повеќе наврати истакна дека од Софија која од 1 јануари следната година го презема претседавањето со ЕУ, очекува добра соработка и поддршка за евроатлантските аспирации на Македонија. Посетите на Брисел и на соседните земји, вели Заев, значат засилена активност со помош на пријателите од ЕУ и од соседите да се придвижи Македонија кон полноправно членство во НАТО и ЕУ.

– Стратешки определби на Република Македонија се интеграциите во Европската унија и НАТО. Остварувањето на овие цели значат долгорочна стабилност и безбедност за граѓаните на Македонија, но и за целиот регион. Затоа, поддршката од соседите е од големо значење, а ние како одговорна Влада сме подготвени да бидеме активен дел од значајните добрососедски и интегративни процеси, е ставот со којшто е дојден премиерот Заев на официјалните средби во Бугарија.

Следете a1on на Youtube YouTube

И бугарскиот премиер Бојко Борисов, по изборот на новата македонска Влада, изрази уверување дека Софија и Скопје ќе работат за зацврстување на добрососедските односи и за приближување на Македонија кон ЕУ и НАТО.

Покрај тет-а-тет средбата на двајцата премиери, јави известувачот на МИА, предвидени се и пленарни разговори на делегациите во чиј состав од македонска страна се и вицепремиерот Бујар Османи, министрите за надворешни работи Никола Димитров, за транспорт и врски Горан Сугарески и за култура Робeрт Алаѓозовски. Во бугарската делегација, пак, ќе бидат и вицепремиерот и министер за надворешни работи Екатерина Захариева, како и министрите за култура и за транспорт и информациски технологии и комуникации, Боил Банов и Иваило Московски.

Попладне, премиерот Заев ќе има средби со претседателот на Република Бугарија Румен Радев и со претседателот на Собранието на Димитар Главчев.

Покрај политичкиот дел, во рамки на официјалната посета, Заев утре во Софија ќе има и повеќе економски средби меѓу кои и со бугарската министерка за енергетика на Теменушка Петкова, на која ќе присуствува и министерот Сугарески.

Предвидени се и одделни средби меѓу министрите од Република Македонија и нивните колеги од Бугарија.

bugarijavladaZaev

Би можело да ве интересира

Брод за транспорт на гас потона во Црно Море, во тек е потрага по преживеани – седум бродови потонаа за шест недели

Катерина Ѓуровски17/11/2026 - 11:05

Приведен возачот на камионот што предизвика еден од двата верижни судири во Бугарија

Катерина Ѓуровски11/11/2026 - 08:47

Фон дер Лајен: Безбедноста на Црното Море е безбедност на цела Европа

Горан Наумовски10/11/2026 - 21:28

Владата бара итно мислење од Венецијанската комисија за предложениот модел на правосудниот испит

Горан Наумовски10/11/2026 - 15:1910/11/2026 - 15:32

ВИДЕО: Страотен верижен судар во Бугарија, 12 загинати

Катерина Ѓуровски10/11/2026 - 11:1410/11/2026 - 13:32

Тошковски: Жалам што Бугарија станува заштитник на осомничени и осудени криминалци

Катерина Ѓуровски04/11/2026 - 14:08
FacebookLike
TwitterFollow
InstagramFollow
YoutubeSubscribe

НАЈЧИТАНИ.

  • Facebook
  • Twitter
  • Instagram
  • Youtube
  • Импресум
  • Контакт
  • Маркетинг
  • Услови за користење

@2019 - A1on. Сите права задржани.

@2019 - A1on. Сите права се задржани
А1он
InstagramTelegram
  • Почетна
  • Македонија
  • Економија
  • Регион
  • Свет
  • Магазин
  • Спорт
  • Култура
  • Видео