Постои можност билансот на загинатите во пожарот во станбениот блок Гринфел Тауер во Лондон во средата, да изнесува 58 лица, изјавија претставници на Скотланд јард.
– За жал до овој момент 58 лица, за кои ни кажаа дека биле во Гринфел тауер таа ноќ, а чија судбина се уште не е позната, колку и да е тешко, треба да претпоставие дека се мртви, изјави полицискиот началник Стјуарт Кенди.
Тој нагласи дека таа бројка е направена врз основа на информации од граѓани и оти може да се зголеми.
Кенди додаде дека ќе бидат потребни недели за откривање и идентификување на сите жртви.
Досега властите соопштија за 30 жртви. Кенди нагласи дека оваа бројка е вклучена во новиот биланс на загинати.