Нашата идеја за денешниот ручек …
Потребно е:
1 чаша (од 200 мл) ориз
2+2 лажици брашно
сол, бибер
масло
2 лажици суви печурки
Подготовка:
– Оризот исчистете го, измијте го и ставете го да се вари додека да испари целата течност. Сварениот ориз оставете да се излади и потоа измешајте го со 1 лажица брашно, малку сол и бибер.
– Од добиената смеса земајте парчиња и обликувајте ги како шницли. Секоја шницла увалкајте ја во брашно од сите страни.
– Во сад на рингла на загреано масло испржете ги шницлите.
– Направете го сосот од печурки. Убаво измијте ги печурките и ставете ги да се варат во солена вода додека да омекнат. Исечете ги на тенки ленти, малку пропржете ги на масло и 1 лажица брашно. Посолете ги по вкус.
– Шницлите од ориз наредете ги во чинија, одозгора прелијте ги со сосот од печурки и послужете.