Едноставни погачици кои веднаш ги печете …
Потребно е за околу 25 погачици:
230 гр меко брашно
1 прашок за пециво
1 лажиче сол
1 лажиче бибер
100 гр путер
230 гр пире од компири
2 јајца
Подготовка:
– Прво направете го пирето од компири со малку млеко и путер. Оставете да се излади.
– Во еден подлабок сад ставете ги брашното, прашокот за пециво, сол, бибер, пирето од компири и 1 јајце. На ситно ренде изрендајте го и путерот.
– Со раце замесете тесто и месете го додека да се поврзат сите состојки.
– Тестото ставете го на набрашнета работна површина и развлечете го со сукало со дебелина околу 2 см. Со модла или чаша вадете погачици од тестото.
– Наредете ги во тава обложена со хартија за печење. Премачкајте ги со изматено јајце со малку сол. По желба може да ги посипете со разни семки.
– Ставете ги да се печат во загреана рерна на 200 целзиусови степени околу 20 минути или додека да добијат убава златно-кафена боја.