Целата ситуација е под контрола и во сигурни раце, изјави денеска министерот за здравство Арбен Таравари во врска со бездомникот Муарем Демиров.
Демиров е згрижен на Клиниката за торакално васкуларна хирургија каде ќе му биде пружена потребната помош, а потоа ќе биде сместен во некој од домовите.
– Завчера медиумите објавија вест за пациентот Демиров кој има хронични проблеми од пред шест месеци. Мојот кабинет беше комплетно ангажиран околу тоа и денеска пациентот е хоспитализиран. Ќе му се даде целосна лекарска помош, а потоа, заедно со Министерството за труд и социјална политика ќе се обидеме да го сместиме во некој од домовите низ Македонија, рече Таравари откако го посети Демиров на Клиниката.