За сите љубители на афион, нешто лесно и кремасто …
Потребно е:
за кората:
7 белки
60 гр шеќер
2 кесички ванилин шеќер
150 гр мелен афион
50 гр нишесте
2 лажици прашок за пециво
200 мл млеко
за кремот:
7 жолчки
90 гр шеќер
100 гр нишесте
1 л млеко
250 гр путер
50 гр шеќер во прав
1/2 л слатка павлака
1 кесичка шлаг фикс
Подготовка:
– Изматете ги белките во густ шлаг, додадете ги шеќерот, ванилиниот шеќер и матете додека шеќерот не се растопи. Додадете го мелениот афион и останатите состојки. Полека со дрвена лажица измешајте за да се спојат сите состојки.
– Смесата истурете ја во намастена тава со димензии 40х24 см и ставете да се пече во загреана рерна на 180 целзиусови степени околу 20 минути.
– Печеното бисквитно тесто оставете малку да се излади и потоа прелијте го со 200 мл топло млеко.
– Во еден сад ставете ги жолчките, шеќерот, нишестето, 100 мл ладно млеко и убаво измешајте за да добиете смеса без грутчиња.
– Остатокот од млекото ставете го да се вари на рингла. Кога ќе почне да врие, во него додадете ја подготвената смеса и варете додека не се згусне со постојано мешање.
– Посебно изматете ги путерот и шеќерот и додадете ги во изладениот крем. Кремот рамномерно распоредете го на кората.
– Изматете ја слатката павлака и пред крај на матењето додадете го шлаг фиксот.
– Вака подготвениот шлаг нанесете го над кремот и потоа колачот ставете го во фрижидер убаво да се излади.