„Криминалното раководство на СДС со години ги оштетува граѓаните на Република Македонија и се богати на нивен грб.
СДС е политичка партија која својот централен штаб го има добиено во наследство од поранешната СКМ, за чија наследничка се прогласија и со тоа ги изиграа законите стекнувајќи се со имот од 3.583 м2, во центарот на Скопје.
Централното седиште на партијата на ул. Павел Шатев во Скопје, како објект на државата од претходниот систем им припаѓа на сите граѓани на Република Македонија, а не на СДС.
Криминогената матрица на СДС никогаш не рaзмислувала како да придонесе за развој на државата и подобар живот на граѓаните. СДС секогаш била насочена кон црпење на што е можно повеќе ресурси за богатење на партијата и тесното раководство во врвот.
Тоа го видовме и со приватизацијата кога милијарди евра капитал беа разграбани, а 200.000 работници останаа на улица. Тоа го видовме и со бомбона бизнисите, а сега го гледаме истото и со прифаќањето на Tиранската Платформа“, се вели во соопштението на ВМРО-ДПМНЕ.