Македонската писателка Силвија Митевска со расказот „Сонот на Лучиа“ ја освои специјалната награда „Slow food Tera Madre“ на 12. издание на националниот конкурс „Мајчин јазик“ во Италија. Наградата и беше доделена на меѓународниот саем на книгата во Торино.
Расказот на Митевска заедно со другите избрани ќе се најде во изданието „Приказни за жени од странство во Италија“. Овој конкурс е во организација на регионот Пиемонте и меѓународниот саем на книгата во Торино.
Митевска досега ја има издадено книгата „Додека Данте спие“, а наскоро „Или-Или“ ќе ја објави и нејзината втора збирка со раскази, „Шепотот на Данте“.