Општина Куманово, традиционално по осми пат организира матурска забава на која се очекува да присуствуваат околу 750 матуранти од трите средни стручни училишта и двете гимназии од градот, заедно со нивните класни раководители, професори, директори. Забавата ќе се одржи вечер со почеток во 23 часот во клубот Спејс, а е во организација на Секторот за култура при општина Куманово.
– Во неколкучасовна забава ќе го прославиме нивното полнолетство и матурирање и ќе им посакаме едукативниот процес да го продолжат според нивните способности и желби во насока како тие очекуваат да бидат интегрирани во оваа општество, изјави градоначалникот на општина Куманово, Зоран Дамјановски.
За оваа намена општината ќе одвои 60.000 денари. Матурантите, ќе добијат гратис влезници кои се веќе доставени во нивните училишта.