Книгата „Исечоци од мојот живот“, чиј автор е пензионираната професорка Добрила Јовева беше промовирана денеска во НУ Универзитетска библиотека „Гоце Делчев“ во Штип.
Вилма Јованова, вработена во НУУБ „Гоце Делчев“-Штип истакна дека промоцијата на книгата „Исечоци од мојот Живот“ е во пресрет на одбележувањето на големиот празник „Свети Кирил и Методиј“.
– Ова е четврта книга по ред на професорката која ја издава нашата библиотека и која ја промовира внатре во библиотеката. Навистина ни е чест што ја имаме таа можност да ги претставиме исечоците од нејзиниот живот, преку одбележување на одредени празници, моменти од животот, среќни настани со своите внуци за кои се радува и живее и за кои оваа книга е посветена, рече Јованова.
Промотор на книгата „Исечоци од мојот живот“ беше професор Марија Емилија Кукубајска.