За сите љубители на карамел и кокос …
Потребно е:
4 јајца
500 мл млеко
150 гр шеќер + 50 гр шеќер за карамелот
120 гр кокосово брашно
Подготовка:
– Во сад на рингла растопете го шеќерот и оставете го да се карамелизира. Потоа сипете го во мала правоаголна тава.
– Изматете ги јајцата со шеќерот. Додадете го малку загреаното млеко, кокосовото брашно и измешајте.
– Смесата сипете ја над карамелот во тавата и ставете ја во друга поголема тава.
– Сипете вода во поголемата тава до средината на тавата. Ставете да се пече во загреана рерна на 170 целзиусови степени околу 50 минути.
– Додека се пече колачот, кокосот ќе исплива на површината и ќе формира кора. Кога оваа кора ќе добие убава румена боја, проверете со дрвена чепкалка за заби дали е печено.
– Ако уште не е печен колачот, покријте го со фолија за да не изгори кокосот.
– Печениот колач извадете го од рерна и оставете го да се излади. Потоа преку ноќ ставете го во фрижидер. Утредента превртете го на чинија.
– Посипете го со кокосово брашно, исечете го на парчиња и послужете.