Алијансата на Албанците нема да оди на лидерската средба кај Ѓорге Иванов, потврди генералниот секретар на партијата Аребер Таравари на денешната прес-конференција во тетовското седиште на ДПА Движење на реформи чиј што претседател е Зијадин Села.
– За да присуствуваме на лидерската средба, таа треба да се реализира во Клиничкиот центар, рече Таравари.
На почетокот од своето излагање тој информираше дека повредениот Зијадин Села при вчерашните немири во Собранието е во стабилна здравствена состојба, дека сите витални параметри денеска се во граница на нормала, свесен е, комуницира и дека состојбата му се подобрува иако вчера претрпел сериозни повреди особено на главата, но и на другите делови од телото.