За денешниот ручек подгответе ги овие меки, сочни шницли …
Потребно е:
800 гр свинско месо
150 гр кисела павлака
50 гр рендан рен (може и готов купен)
100 гр брашно
2 јајца
100 гр лебни трошки
масло
мешавина од зачини
сол, бибер
Подготовка:
– Месото исечете го на 10-тина шницли и исчукајте ги со дрвен чук. Зачинете ги по вкус.
– Во една чинија измешајте ги ренот и киселата павлака. Во друга чинија измешајте ги лебните трошки и брашното, а во трета изматете ги јајцата.
– Секоја шницла увалкајте ја прво од двете страни во смесата со рен, потоа во смесата со брашно и на крај во изматените јајца.
– Ставете ги да се пржат од двете страни во тава на рингла на загреано масло.
– Послужете ги со прилог по желба.