Околу 46 илјади денари биле украдени од спортска обложувалница во Скопје, информираат од МВР.
Синоќа околу 21.00 часот во Скопје на ул. „Петар Манџуков“, во спортска обложувалница непознат маскиран сторител извршил разбојништво над вработениот. Сторителот со закана со пиштол од вработениот одзел 46.670 денари, по што побегнал во непознат правец.
Полицијата презема мерки за пронаоѓање на сторителот и за целосно расчистување на случајот.