Вкусно, ароматично и подготвено со многу фантазија …
Потребно е:
3 компири
100 гр спанаќ
100 гр сирење
1 јајце
50 гр колбаси
сол, бибер
масло
Подготовка:
– Од хартија за печење исечете 6 ленти.
– Земете два сада за суфле или пак ако немате може да послужи и калап за мафини. Во два отвора ставете по две ленти хартија во крст. Треба да излегуваат надвор од калапите.
– Излупете ги компирите и исечете ги на тенки кругови. Пропржете ги на малку масло од двете страни.
– Наредете ги на дното и по краевите на калапот за мафини.
– На истата маснотија во тавата издинстајте го измиениот и исецкан спанаќ. Со решеткаста лажица префрлете го во еден подлабок сад.
– Во садот додадете го јајцето, издробеното сирење и исецканиот колбас. Зачинете и убаво измешајте.
– Оваа смеса ставете ја на компирите во калапот. Ставете да се печат во загреана рерна на 200 целзиусови степени додека да се запечат и да добијат убава боја.
– Со помош на хартијата за печење извадете ги од калапот и послужете.