Потребно е:
300 гр туна од конзерва
500 гр ослич
200 гр сардина од конзерва
100 гр сварен ориз
100 гр лебни трошки
10 чешниња лук
2 главици кромид
1 лажиче рендано морско оревче
сол, бибер
Подготовка:
– Сварете го осличот, исцедете го и оставете да се излади. Потоа ставете го во блендер заедно со туната и сардината и ситно измелете ги.
– Добиената смеса ставете ја во еден сад и додадете ги ситно сецканите и пропржени на малку масло, кромид и лук.
– На крај додадете ги сварениот ориз, лебните трошки и зачинете со морското оревче, сол и бибер. Убаво измешајте да се поврзат сите состојки.
– Од добиената смеса формирајте плескавици и испржете ги на врело масло во тава на рингла.
– Како прилог послужете сварени компири или некој друг зеленчук.