„Се прашуваме дали Вие навистина живеете во реалноста, зарем не ги слушате молбите на Здружението на Пензионери, на Сојузот на Синдикатите на Македонија кои две недели ве молат да не го блокирате покачувањето на пензиите. Што толку Ви згрешиле пензионерите што не дозволувате да го добијаат она што го заслужиле? Можеби болката е што Вие им ги намаливте пензиите за 8 проценти и им скративте две пензии. Зарем до Вас не допреа апелите на земјоделците да не гласате против субвенциите за нив? Тие средства за нив значат нивна егзистенција.
– Почитувани Социјалдемократи, крајно време е да престанете да ги злоупотребувате бранителите, тие добро знаат кој ги б одреше од грчките плажи, а кој беше рамо до рамо со нив на фронтот.
– Колега Сугарески, за каков дуел зборувате кога губите 7 последователни дуели со народот. Секој сериозен политичар по вториот пораз поднесува оставка, само Вие, Бранко Црвенкоски и другите членови на новата коалиција со Љубчо Ѓорѓиевски не го сторивте тоа.
– Да ве потсетиме дека ВМРО-ДПМНЕ ги зголеми пензиите за 36% и за 6 години исплати 670.000.000 евра субвенции, наспрема вашите бедни 5 милиони евра“, одговараат ВМРО-ДПМНЕ ОК Прилеп, на пресот на СДСМ Прилеп.
