Општина Велес врз основа на одлука на Советот на општината и годинава распиша конкурс за избор на најуспешна празнична илуминација по повод новогодишните и божиќните празници.
Граѓаните своите предлози може да ги достават на [email protected] или на телефонот на општината најдоцна до 20-ти декември. Комисијата за празнична илуминација на најуспешните ќе им додели признанија и парични награди во износ од по 15 илјади денари и тоа за најубав излог-трговија, услуга, најубав двор-куќа, најубава тераса-станбена зграда.
Наградите на најуспешните ќе им бидат доделени на 27-ми декември на свеченост која општина Велес традиционално ја организира по повод новогодишните и божикните празници.