Вкусни потпечени тестенини …
Потребно е:
1 пакување тестенини пене
1 главица кромид, ситно сецкан
2 чешниња лук, изгмечени
4 чаши крупно сецкан спанаќ
сок од 2 лимона
2 чаши рикота сирење
2/3 чаша семки од сончоглед
2 лажици маслиново масло
сол, бибер
Подготовка:
– Загрејте ја рерната на 190 целзиусови степени.
– Една помала керамичка тава премачкајте ја со масло.
– Сварете ги тестенините според упатството на пакувањето. Исцедете ги, но зачувајте 2 чаши од течноста. Вратете ги во садот во кој се вареа.
– Додека се варат тестенините, на 2 лажици маслиново масло пропржете го ситно сецканиот кромид. Додадете го изгмечениот лук, потоа спанаќот и пржете околу 2 минути.
– Сипете го сокот од лимон и додадете ги рикота сирењето и течноста во која се вареа тестенините.
– Варете ја целата содржина со постојано мешање додека да се растопи сирењето и да стане кремасто.
– Потоа смесата од тавата сипете ја во садот кај исцедените тестенини и мешајте да се спојат сите состојки.
– Целата смеса префрлете ја во намастената керамичка тава и посипете со семките од сончоглед.
– Ставете да се пече во загреаната рерна 20-25 минути.