„Прифаќањето на платформата од Тирана е класична уцена. Заради карактерот и алчноста да се дограбат до власт, проценката била дека ваквата уцена може да помине кај Зоран Заев и СДСМ без разлика колку нејзиното прифаќање е штетно за државните и национални интереси.
СДСМ е уценета партија, но трагедијата е во тоа што цената на крајот ќе ја плати Република Македонија и македонскиот народ.
Затоа ВМРО-ДПМНЕ понуди на СДСМ и нејзиното раководство да ја отфрлат уцената и платформата од Тирана. Да се откажат од редефинирање на Република Македонија и нејзино трансформирање од мултикултурна во бинационална држава.
Во таков случај ВМРО-ДПМНЕ се обврза дека ќе го поддржи Заев и СДСМ да формираат влада, иако не беа поразени на изборите.
СДСМ треба да го сфати историскиот моментум и да ги отфрли заканите и уцените од надвор, пред кои се наоѓа Македонија, но и самите тие како партија.
Граѓаните на Македонија очекуваат да проработи совеста кај секој политички субјект, вклучително и кај Заев, во време кога постои сериозна закана по унитарниот и суверениот карактер на државата.
Секое редефинирање на државата не им е во прилог ниту на Албанците, ни на Ромите, ни на Бошњаците, ни на Власите, ни на Србите, ни на Турците, а најмалку на Македонците во нашата татковина“, се вели во соопштението на ВМРО-ДПМНЕ.