Буџетот на Општина Куманово во 2016 година изнесуваше 1,474 милијарди денари. На приходната страна реализацијата е 91 отсто, додека на расходната извршувањето изнесува 89 проценти.
Ова беше речено денеска на седница на Советот, на која се усвои кварталниот извешај за извршувањето на ланскиот буџет. Извештајот ќе биде презентиран со завршната сметка на наредната седница на Советот.
– Овој извештај е стандардизиран по истек на кварталот и е веќе доставен до Министерството за финансии. Во него е дадена реализација на приходна и расходна страна. Одделно се дадени приходите реализирани за сите сегменти, а расходите се поделени на тековни и капитални, изјави раководителот на Секторот за финансии во Општината Ирена Илиевска.